ஒரு பண்பாடு இல்லை என்றால்

தமிழ்நாட்டில் கடுமையான மின்சார பற்றாக்குறை நிலவும் இந்த வேளையில், மத்திய அரசு உதவ வேண்டும் என்று பலமுறை தமிழக முதலமைச்சர் பிரதமர் மன்மோகன் சிங்கிற்கு கடிதம் மேல் கடிதம் எழுதியும்  ஒரு கடிதத்திற்கு கூட மத்திய அரசிடமிருந்து பதில் வந்ததில்லை. கூடுதலாக ஒரு மெகாவாட் மின்சாரத்தை கூட அளிக்க மறுத்து வருகிறது.

கடந்த வாரம் கூட முதலமைச்சர் பிரதமருக்கு அனுப்பியுள்ள கடிதத்தில், தில்லி மாநில அரசு மத்திய மின் தொகுப்பிடம் திருப்பி அளிக்கவுள்ள 1721 மெகாவாட் மின்சாரத்தையாவது தமிழ் நாட்டிற்கு ஒதுக்கவேண்டும் என்று கோரியுள்ளார். தங்களிடம் மிகை மின்சாரம் இல்லை என்று வழக்கம்போல் இந்தக் கோரிக்கையும் மத்திய அரசு ஏற்கவில்லை.

ஏற்கனவே பல கடிதங்களை எழுதிய பின்னர் மத்திய அரசு ஒதுக்கிய 100 மெகாவாட் மின் சாரத்தில் மாநிலத்திற்குக் கிடைப்பது என்னவோ வெறும் 78 மெகாவாட் மின்சாரம் தான். தென்மேற்குபருவமழை தவறியதாலும் தென் மண்டல மின்தொகுப்பின் பாதைச் சிக்கல்களா லும் வெளிமாநிலங்களில் இருந்து மின்சாரத்தை தமிழ்நாடு வாங்கமுடியாத நிலையில் உள்ளது என்று முதலமைச்சர் தெரிவித்திருக்கிறார். போது மான மின்சாரம் விநியோகம் இல்லாத காரணத் தால் மாநிலத்தில் விவசாயம் கடுமையாகப் பாதிக்கப்பட்டு உணவு உற்பத்தியே கேள்விக் குறியாக உள்ளது. எனவே மாநிலத்தில் நிலவும் கடுமையான மின்சாரப் பற்றாக்குறையைப் போக்க மத்திய அரசின் உதவியில்லாமல் மாநில அரசால் செயல்பட முடியாது.

கடந்த ஓர் ஆண்டாகவே தமிழ் நாட்டில் மின்சாரத்தை நம்பி தொழில் புரிபவர்களின் நிலைமையோ மிகவும் மோசமானது, இந்த மின்பற்றாக்குறையை தமிழ் நாட்டின் பேரிடராக அறிவித்தால் கூட நல்லது தான். மழை, புயல், வெள்ளத்தால் வந்தால் மட்டும் தான் பாதிப்பா…?

மின் பற்றாக்குறையால் ஏற்படும் இழப்புகள் கூட பாதிப்பு தான்.

தொடர்ந்து தமிழ்நாட்டை பல வழிகளில் புறக்கணிக்கும் மத்திய அரசின் நடவடிக்கை பல ஐயபாடுகளை கொண்டுள்ளது.

தண்ணீர் கேட்டு கேரளா, கர்நாடகம், ஆந்திரா, ஆகிய மூன்று மாநில கதவுகளை தட்டுகிறோம் எந்த மாநில அரசும் காது கொடுத்து கேட்க கூட மறுக்கிறது,

உச்ச நீதி மன்றம் உத்தரவிட்டும் கூட கரநாடக அரசு கேட்க மறுக்கிறது.

மத்திய அரசோ, வாய் மூடி, மௌனியாகவே இருக்கிறது.

எதிர் கட்சி ஆட்சியில் இருக்கிது என்ற ஒரே காரணத்திற்காக தொடர்ந்து தமிழ் நட்டை மத்திய அரசு புறக்கணிக்கிறது

எத்தனை மாநிலங்கள், எத்தனை மொழிகள், எத்தனை இனங்கள், இவை எல்லாம் ஒன்றடக்கியது தான் இந்தியா.

பிற நாட்டுக்கு ஒரு பிரச்சனை என்றால் ஓடி ஓடி சென்று உதவும் நாடு என்ற பேர் கொண்ட இந்திய நாட்டில் வாழும் ஒரு பகுதியினருக்கு 

மின்சாரம் இல்லை,  

தண்ணீர் இல்லை,   

சகோதரர்களாக பாவிக்க மறுக்கும் மனப்பான்மை உடையவர்களிடம் எங்களுக்கு வேண்டவே வேண்டாம் நட்பு,

எங்கள் நாட்டில் உறபத்தியாகும்   

மின்சாரம்,  

உணவு பொருட்கள்,  

வரி மட்டும் உங்களுக்கு வேண்டும்  

அங்கே உபரியாக இருக்கும் தண்ணீரோ  

மின்சாரமோ எங்களுக்கு கிடையாதென்றால்  

வேண்டாம் எங்களுக்கு இந்தியா.

பண்பாடோடு நாங்கள் மட்டும் வாழ வேண்டும், அதை பிறரிடம் நாங்கள்  எதிர்பார்பது தவறா….

எல்லோருமே திருடங்க தான்

ஸ்பெக்ட்ரம் ஊழல், ஆதர்ஷ் வீட்டு வசதி ஊழல், கிரிகெட் ஊழல், காமன்வெல்த் விளையாட்டுப்போட்டி ஊழல் போன்றவற்றால் நாறிப்போயிருக்கும் மத்திய கூட்டணி அரசு போல் கர்நாடகாவில் உள்ள எடியூரப்பா தலைமையிலான பிஜேபி அரசும் பல ஊழலில் சிக்கி நாறி வருகிறது.

ஊழல், முறைகேடுகளில் காங்கிரஸ் கட்சிக்கு சளைத்தவர்கள் நாங்கள் அல்ல என்பதை பாஜகவினரும் நிரூபித்திருக் கிறார்கள். ஏற்கெனவே குதிரைபேரத்தால் பல கோடி ரூபாய் விலை கொடுத்து மாற்று கட்சி சட்டமன்ற உறுப்பினர்களை விலைக்கு வாங்கி ஆட்சியை ஓட்டிக் கொண்டிருக்கும் எடியூரப்பா அரசுக்கு புதிய தலை வலியாக உருவாகியுள்ளது இந்த நில ஊழல்.

பெங்களூரு மற்றும் மாநிலத்தின் முக்கிய மான நகரங்களில் பலகோடி ரூபாய் மதிப்புள்ள நிலத்தை தனது மகனுக்கும் மாநில பிஜேபி தலைவர் ஈஸ்வரப்பாவுக்கும் மற்றும் தனக்கு வேண்டப்பட்ட சிலருக்கும் விதிமுறைகளை மீறி வாரி வழங்கியுள்ளார். பெங்களூரில் தனது மகனுக்கு சொந்தமாக வீடு இருந்தபோதிலும் அவருக்கு நிலமோ, வீடோ இல்லை என்ற பொய்யான தகவல்கள் அடிப்படையில் பெங்களூரு வளர்ச்சிக் குழுமத்தை ஏமாற்றி நிலம் ஒதுக்கப்பட்டுள்ளது. அதுவும் பெங்களூருவில் மிகவும் முக்கியமான இடத்தில் அந்த நிலம் அமைந்துள்ளது.

இந்தியாவில் உலகமயம், தாராளமய பொருளா தாரக் கொள்கைகள் அமலுக்கு வந்த பின்னர், கடந்த பல ஆண்டுகளாகவே நிலத்தின் மதிப்பு செயற்கையாகவே பல மடங்கு உயர்த்தப்பட்டது. பன்னாட்டு நிறுவனங்களுக்கு நிலத்தை தாரை வார்க்கும் தமிழ்நாடு, மகாராஷ்டிரா, கர்நாடக அரசுகளால் நிலத்தின் மதிப்பு பல மடங்கு உயர்ந்துள்ளது. பன்னாட்டு நிறுவனங்கள் சிறப்பு பொருளாதார மண்டலங்கள் என்ற பெயரில் தேவைக்கு அதிகமாக நிலங்களை வளைத்துள்ளன. இந்தியாவில் கொள்ளை லாபம் கொழிக்கும் தொழில், ரியல்எஸ்டேட் என்பதால் இந்த தொழிலில் பல நிறுவனங்கள் நுழைந்துள்ளன.

ஆட்சி அதிகாரத்தில் அமர ஒரு முறை வாய்ப்புத் தாருங்கள், கர்நாடகாவின் முகவரியை மாற்றிக்காட்டுகிறோம் என்று சொல்லி ஆட்சிக்கு வந்த பிஜேபி என்ன செய்து கொண்டிருக்கிறது என்பது வெட்ட வெளிச்சமாகி வருகிறது. மற்ற கட்சிகளை விட வித்தியாசமான கட்சி  பிஜேபி என்று அக்கட்சியினர் சொல்வதற்கு இதுதான் அர்த்தம் போல ஆக மொத்தம் எல்லோருமே திருடங்க தான்